Enas Awad

Enas Awad

Interior Designer & Graffiti Artist

Egypt

 

إيناس عوض 21 سنة طالبة بكلية فنون جميلة جامعة حلوان وأحد المشاركين في مشروع ست الحيطة 2 تقول إيناس عن علاقتها بالرسم والجرافيتي : “بدأت علاقتي بالرسم من سن 7 سنوات كنت ساعتها عايشه في الإسكندرية وكنت بدخل مسابقات رسم وأخدت جوائز كتير على مستوع المحافظة، وأستمر حب الرسم معايا إالى الآن ودخلت كلية فنون جميلة، وفي أواخر سنة 2011 شاركت مع مركز الجزويت في مدرسة آتيله الشارع ودي كانت البداية الحقيقة ليا مع فن الجرافيتي وكنا بنرسم جرافيت تجميلي لمنطقة الفجالة وهي أحد أجمل أحياء القاهرة القديمة، بعد ذالك ألتحقت بجروب قلوب مليانة فن “heart full of arts” والجروب ده كان هدفه تجميل المدن والمحافظات والترويج لفن الجرافيتي وبالفعل سافرنا أكتر من مكان منها مدينة القصير في البحر الأحمر وخلال الفترة القادمة هنسافر لاكتر من مكان منها الوادي الجديد والإسكندرية”

عن علاقتها بي ست الحيطة وكيف تعرفت على المشروع تقول : ” عرفت ست الحيطة من خلال الفيس بوك وقدمت وكلموني بعدها وقالولي اني اتقبلت واني هكون أحد المشاركين في مشروع ست الحيطة 2، وكنت معجبة بالرسمة اللي عملوها  في مشروع ست الحيطة السنة الماضية في الاسكندرية وكانت الرسمة عن السيدات الذين لعبوا دور كبير في تاريخ مصر”

تضيف إيناس : ” الرسمة اللي شاركت بيها وقومت برسمها على الحائط كانت من وحي كلام الناس معايا في الشارع لاني كنت بسال النسا والنساء خصوصاً نفسكم أرسم أيه على الحائط يعبر عنكم ففي أكتر من سيدة أقترحت عليا أعمل حاجه عن المراة في العصر الفرعوني وكيف كانت لها سلطة وأحترام كبير، وناس تانيه أقترحوا عليا ارسم عن المرأة المقهورة، وبالفعل عملت رسمة عبارة عن وجه أمرأة مقسوم نصفيين نصف يحمل تاج فرعوني ويعبر عن وضع المرأة وتقدريها في مصر الفرعونية، والنصف الأخر لأمرأة ترتدي يشمك أو نقاب وده بيمثل المرأة المقموة والمقهورة”

عن أحلامها تقول إيناس ” بتمني الجرافيت يصبح فن معترف به من الدولة والمجتمع، ونفسي حتى لو في جدارية أو رمسة جرافيتي بتضايق بعض الناس بدل ما يروحوا يطمسوها ويمسحوها، يحاولوا يرسموا حاجه بتعبر عنهم وبيحبوها في مكان أخر ومن هنا يكون في تنوع في الروسمات ووجهات النظر على الحوائط”.

 www.facebook.com/awadenas

This slideshow requires JavaScript.